Թուրք հայտնի գրող, Նոբելյան մրցանակի դափնեկիր Օրհան Փամուկը «Եվրոնյուզ» հեուստաընկերությանը տված հարցազրույցում վերահաստատել է իր այն դիրքորոշումը, որ Թուրքիայում Հայոց ցեղասպանություն է իրագործվել:
Այսօր եթեր հեռարձակված նյութում հեռուստաընկերությունը տեղեկացնում է, որ Օրհան Փամուկն այս օրերին շրջագայում է ողջ Եվրոպայով` ներկայացնելու համար իր նոր` «Անմեղության թանգարան» վեպը:

Այս առիթով վերցված հարցազրույցում համաեվրոպական լրատվամիջոցը տեղեկացնում է նաև, որ նույն օրերին Թուրքիայի գերագույն դատարանի կոլեգիան որոշել է կրկին բացել Օրհան Փամուկի նկատմամբ հարուցված գործի քննությունը: Հիշեցնելով, որ գործն առնչվում է Օրհան Փամուկի կողմից Հայոց ցեղասպանության փաստը հրապարակավ ընդունելու հետ, աղբյուրը նշում է, որ խնդրո առարկա հարցազրույցում ևս Օրհան Փամուկը վերահաստատել է իր դիրքորոշումը:

Ինչ վերաբերում է հարցազրույցին, ապա հիմնականում գրողն անդրադարձել է իր ստեղծագործական գործունեությանն ու իր առջև դրված խնդիրներին: Թուրքիայի եվրոպական դեմք համար ... կարդալ շարունակությունը

Ինչպե՞ս է գնահատվում Թուրքիայի` Եվրամիություն մուտք գործելու հնարավորությունները: Նման հարցով իր անգլիացի պաշտոնակցին է դիմել Թուրքիայի վարչապետ Ռեջեբ Թայիբ Էրդողանը:

Էրդողանի մտահոգությունները կապված են Եվրամիության նոր` ոչ  թուրքասեր նախագահ Հերման Վան Ռոմպեայի ընտրությամբ:

Ադրբեջանական «Bakililar» պարբերականը Թուրքիայի` եվրաընտանիք ներխուժելու փորձերը անհիմն է համարում, այն համոզմունքով, որ`  «Եվրամիությունը մոտակա տարիներին Թուրքիային իր կազմում ընդգրկելու միտք անգամ չունի»:

Թուրքիայի հետ կապված խնդիրները բազմազան են: Բրյուսելը դժգոհություն է հայտնում հիմնականում Թուրքիայում մարդու իրավունքների ու, ընդհանրապես, ժողովրդավարության սկզբունքների անհույս վիճակի հետ կապված:

Նշենք, որ իր հերթական ելույթներից մեկում ԵՄ նախագահը նշել էր. «Թուրքիան Եվրոպայի մասը չի կազմում և ԵՄ ընդլայնումը չի կարող իրականացվել Թուրքիայի անդամակցությամբ»:

Ռոմպեայի կարծիքով, քրիստոնեության գաղափարախոսության վրա հիմնված Եվրո ... կարդալ շարունակությունը

Ադրբեջանի խորհրդարանը նոյեմբերի 26-ին քվեարկությամբ հաստատել է  2010թ. պետական բյուջեն: Եկող տարվա համար բյուջեն սահմանված է 10 միլիարդ 15 միլիոն մանաթի չափով: Դա, մոտավորապես, հավասար է 13 միլիարդ ԱՄՆ դոլարի:  Հիմնական մուտքերը, որոնց հետ հույսեր են կապում ադրբեջանական իշխանությունները, պետական և մաքսային հարկերն են (շուրջ 6.25 մլրդ դոլար) և պետական նավթային ֆոնդից ստացվող եկամուտները (6.143 մլրդ դոլար): 2010-ին ևս որոշակիորեն կավելանա Ադրբեջանի ռազմական բյուջեն` նախորդ տարվա ցուցանիշը 0.9%-ով գերազանցելով և հասնելով 1.506 մլրդ դոլարի: