Այսօր Արցախյան հակամարտության կարգավորման բանակցություններում քննարկվում է միայն ԼՂՀ կարգավիճակի հարցը: Այդ մասին նոյեմբերի 5-ին Հայաստանի խորհրդարանում հայտարարել է երկրի ԱԳՆ ղեկավար Էդվարդ Նալբանդյանը: Նրա խոսքերով, այլ հարցեր չեն քննարկվում, քանի որ հայկական կողմի համար առաջնայինը Լեռնային Ղարաբաղի կարգավիճակն է եւ անվտանգությունը: «Անվտանգություն բառը ես օգտագործում եմ լայն իմաստով, իսկ դա նշանակում է ցամաքային կապի առկայություն Հայաստանի հետ եւ ոչ միայն այդ բաղադրիչը»,- նշել է նա: Նա նկատել է, որ պետք չէ ակնկալել առաջիկա 3-4 ամսում հարցի լուծում, դա բավական տեւական գործընթաց է: ...